དེ་རིང་གི་གངས་ལྗོངས་གླེང་སྟེགས་ཀྱི་ལེ་ཚན་ནང་དུ། ད་ལྟ་ཨ་རིར་བཞུགས་པའི་སྲིད་ཁྲིམས་ཉམས་ཞིབ་པ་ཀ་བཙན་བླ་མ་སྐྱབས་ལགས་གདན་འདྲེན་གྱིས། འདས་པའི་ལོ་རྙིང་གི་ནང་དུ་འཛམ་གླིང་དང་རྒྱ་ནག་གི་འགྱུར་འགྲོས་གསར་པ་དང་། འགྱུར་འགྲོས་གསར་པ་འདི་དག་གཞིར་བཞག་ནས་ལོ་གསར་པའི་ནང་དུ་སྤྱིར་འཛམ་གླིང་གི་སྒྲོམ་གཞི་དང་། ནང་སྒོས་སུ་རྒྱ་ནག་གིས་མུ་མཐུད་དུ་གྲངས་ཉུང་མི་རིགས་ལ་དྲག་གནོན་གྱི་སྲིད་ཇུས་ལག་བསྟར་བྱེད་བཞིན་པའི་གནས་སྟངས་འོག བོད་ལ་འཕྲད་བཞིན་པའི་ཉེན་ཁ་གསར་པ་དང་ཉེན་ཁའི་ཁྲོད་ཀྱི་རེ་བ་སོགས་ཀྱི་སྐོར་ནས། ཀེ་ཐོ་ཡིས་ཀ་བཙན་བླ་མ་སྐྱབས་ལགས་ལ་བཅར་འདྲི་ཞུས་པ་ཞིག་ལ་གསན་རོགས་གནོངས།
