གཡུ་ཞུན།་(ཨ་རི།)
བཞུད་པའི་ལམ་བུ་པགས་རྩག་རྙིང་པ་ཇི་བཞིན
གོང་ཁ་ན་ལྷགས་རླུང་ཤུར་ཤུར་ལྡིང
ཕྲག་ཁ་ན་ཟླ་འོད་སྨག་རུམ་ནང་ཟུག
ཚོན་མདོག་ཟད་པའི་ལྟེབ་ཁུག་རེ་རེ་ན
ཁ་བ་ས་ལ་ཟགས་པའི་རྗེས་ཤུལ་བག་ཏུ་ཉལ
འདས་སོང་གི་ཉིན་མཚན་རེ་རེའི་ཁུག་སོ་ན
དགའ་བ་དང་སྐྱོ་བ་སྡང་བ་ཡང་ན
ཞེན་ཆགས་དང་འཁང་ར་
ཡང་ན་ཕངས་པ
ལོ་ཟླས་འཁོར་མོའི་སྐྱིབས་ན་སྦེད
ཕྱི་ལོ་༢༠༢༥དང་གླན་པ
ཉི་ཟེར་གྱི་འོད་ཐིག་དང་པོ་ལ་རྩེ་ནས་འཕྲོ་སའི་ཡུལ
དུས་བཞིར་གོས་དཀར་བཀླུབས་པའི་ཁ་བའི་ཡུལ་དངཁ་བའི་མི
རྒྱང་རིང་གི་ཡུལ་ན་མཛེས་སྡུག་གིས་ཁེར་རྐྱང་དུ་འཚོ
སྙན་ངག་དང་རྨི་ལམ་གྱི་མེ་ཏོག་བཞད་ས
འཛུམ་ཆུང་ས་ལ་ལྷུང་ས་མིག་ཆུར་མུ་ཏིག་བརྒྱུས་ས
གཏམ་རྒྱད་ཀྱི་བྱུང་བ་བྱོ་སའི་ཁ་བའི་ཡུལ་དང་ཁ་བའི་མི
བློ་ཁོག་ཆེ་བ་བརྟན་བརླིང་ཡིད་དཀར་གྱི་བཙན་རྫོང
ས་མཐའི་འཁྱམས་པོའི་སེམས་པ་དྲོན་པོ་གླན་ས
རྒྱང་རིང་ཁ་བའི་ཡུལ་དང་ཁ་བའི་མི
འདང་བརྩེའི་སེམས་རྩ་གསོ་བའི་ཡུལ
ལོ་ལ་གསར་བར་དགའ་བདེ་སྤྲོ་སྐྱིད་ལྡན་པར་ཤོག
འབད་པའི་ལས་ལ་རེ་བའི་དངོས་གྲུབ་སྩོལ་བར་ཤོག
གཡུ་ཞུན་ནས
༠༡/༠༡/༢༠༢༥